ജാപ്പനീസ് വാഹന നിർമ്മാതാക്കളായ ഹോണ്ട 2023 സെപ്റ്റംബർ 4- ന് എലിവേറ്റ് മിഡ്-സൈസ് എസ്യുവിയുടെ വിലകൾ പ്രഖ്യാപിക്കും. പുതിയ മോഡൽ ബുക്കിംഗിന് ലഭ്യമാണ്. താൽപ്പര്യമുള്ള ഉപഭോക്താക്കൾക്ക് ടോക്കൺ നൽകി എസ്യുവി ഓൺലൈനിലോ അംഗീകൃത ഹോണ്ട ഡീലർഷിപ്പിലോ മുൻകൂട്ടി ബുക്ക് ചെയ്യാം. 11,000 രൂപയാണ് ബുക്കിംഗ് തുക. ഇതോടൊപ്പം, ഡിസ്പ്ലേ വാഹനങ്ങൾ ഉപഭോക്തൃ പ്രിവ്യൂ, ടെസ്റ്റ് ഡ്രൈവുകൾക്കായി ഇതിനകം ഡീലർഷിപ്പുകളിൽ എത്തിത്തുടങ്ങി.
സിറ്റി സെഡാന് കരുത്ത് പകരുന്ന 1.5-ലിറ്റർ 4-സിലിണ്ടർ നാച്ചുറലി ആസ്പിറേറ്റഡ് ഐവിടെക്ക് എഞ്ചിനാണ് പുതിയ എലിവേറ്റിന് കരുത്തേകുന്നത്. ഈ എഞ്ചിന് 121PS പവറും 145Nm ടോര്ക്കും ഉത്പാദിപ്പിക്കാൻ കഴിയും. ട്രാൻസ്മിഷൻ ചോയിസുകളിൽ 6-സ്പീഡ് മാനുവലും 7-സ്പീഡ് സിവിടിയും ഉൾപ്പെടുന്നു. പുതിയ എലിവേറ്റിന് 4313 എംഎം നീളവും 1790 എംഎം വീതിയും 1650 എംഎം ഉയരവും 2650 എംഎം വീൽബേസും ഉണ്ട്. സെഗ്മെന്റിന്റെ ഏറ്റവും വലിയ ഗ്രൗണ്ട് ക്ലിയറൻസ് 220 എംഎം ആണ് ഹൈലൈറ്റ്. ഇത് ക്രെറ്റയുടെ വീൽബേസിനേക്കാൾ 30 എംഎം കൂടുതലാണ്. സെഗ്മെന്റിലെ ഏറ്റവും വലിയ 458-ലിറ്റർ ബൂട്ട് സ്പേസും ഇത് വാഗ്ദാനം ചെയ്യുന്നു. ഇടത്തരം വലിപ്പമുള്ള ഈ എസ്യുവി എസ്വി, വി, വിഎക്സ്, സെഡ്എക്സ് എന്നിങ്ങനെ നാല് ട്രിം ലെവലുകളിൽ ലഭ്യമാണ്. മിക്ക വേരിയന്റുകളിലും മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകളുണ്ടാകും.
