മദ്യത്തിനും ഇന്ധനത്തിനും സാമൂഹിക സുരക്ഷാ സെസ് ഏർപ്പെടുത്തിയും വാഹന നികുതിയും വൈദ്യുതി തീരുവയും കൂട്ടിയതുൾപ്പെടെ നിർണായക പ്രഖ്യാപനങ്ങളുമായി ധനമന്ത്രി കെ.എൻ.ബാലഗോപാൽ സംസ്ഥാന ബജറ്റ് നിയമസഭയിൽ അവതരിപ്പിച്ചു.
ഒറ്റനോട്ടത്തിൽ
ശമ്പളത്തിന് 40,051 കോടി രൂപയും പെന്ഷന് 28,240 കോടി രൂപയും സബ്സിഡിയ്ക്ക് 2190 കോടി രൂപയും
തദ്ദേശസ്വയംഭരണ സ്ഥാപനങ്ങള്ക്ക് 14,149 കോടി
കുടുംബശ്രീയ്ക്ക് 260 കോടിരൂപ
സാമൂഹ്യ സുരക്ഷാ പെന്ഷന് 9764 കോടി രൂപ
ലൈഫ് മിഷന് പദ്ധതിയുടെ ഭാഗമായി 71,861 വീടുകളും 30 ഭവന സമുച്ചയങ്ങളും നിര്മ്മിക്കും. ഇതിനായി 1436 കോടി രൂപ.
കേരളത്തില് ആഭ്യന്തരോല്പ്പാദനവും തൊഴില്/സംരംഭക/നിക്ഷേപ അവസരങ്ങള് വര്ദ്ധിപ്പിക്കുന്നതിനായി മേക്ക് ഇന് കേരള പദ്ധതി നടപ്പിലാക്കും.
വിലക്കയറ്റം നിയന്ത്രിക്കുന്നതിന് 2000 കോടി രൂപ
റബര് വിലയിടിവ് തടയുന്നതിന് 600 കോടി
തേങ്ങയുടെ സംഭരണ വില 34 രൂപയായി ഉയര്ത്തി
കയര് ഉല്പ്പന്നങ്ങളുടെയും ചകിരിയുടെയും വിലസ്ഥിരത ഫണ്ടിനായി 38 കോടി രൂപ.
കശുവണ്ടി മേഖല പുനരുജ്ജീവന പാക്കേജ് 30 കോടി
കാഷ്യൂ ബോര്ഡിന് റിവോള്വിങ് ഫണ്ടിനായി 43.55 കോടി
അതിദാരിദ്ര്യ ലഘൂകരണത്തിന് ഗ്യാപ് ഫണ്ട് 50 കോടി
സാമ്പത്തിക മാന്ദ്യത്തിന്റെ പശ്ചാത്തലത്തില് കുറവ് വരുത്തിയിരുന്ന ഫ്ളാറ്റുകള്/അപ്പാര്ട്ട്മെന്റുകള് എന്നിവയുടെ മുദ്രവില 5%-ല് നിന്നും 7% ആക്കി.
സറണ്ടര് ഓഫ് ലീസ് ആധാരങ്ങളുടെ റജിസ്ട്രേഷന് ഫീസ് 1000 രൂപയാക്കി കുറച്ചു.
ദുര്ബല വിഭാഗങ്ങള്ക്ക് സാമൂഹ്യ സുരക്ഷ ഉറപ്പുവരുത്തുന്നതിനായി സാമൂഹ്യ സുരക്ഷാ സീഡ് ഫണ്ട് മുഖേന അധിക വിഭവ സമാഹരണം നടത്തും. ഇതിനായി 500 രൂപ മുതല് 999 രൂപ വരെ വിലവരുന്ന ഇന്ത്യന് നിര്മ്മിത വിദേശ മദ്യത്തിന് ഒരു ബോട്ടിലിന് 20 രൂപ നിരക്കിലും 1000 രൂപ മുതലുള്ള മദ്യത്തിന് ബോട്ടിലിന് 40 രൂപ നിരക്കിലും പെട്രോള് ഡീസല് എന്നിവയ്ക്ക് 2 രൂപ നിരക്കിലും സാമൂഹ്യ സുരക്ഷാ സെസ് ഏര്പ്പെടുത്തും.
മൈനിങ് & ജിയോളജി മേഖലയില് പാറകളുടെ തരവും വലുപ്പവും അടിസ്ഥാനമാക്കി വ്യത്യസ്ത വില സംവിധാനം ഏര്പ്പെടുത്തും.
സര്ക്കാര് ഭൂമിയുടെ പാട്ട വാടക ഭൂമിയുടെ ന്യായവിലയെ അടിസ്ഥാനമാക്കിയുള്ളതാക്കും.
എല്ലാവര്ക്കും നേത്രാരോഗ്യത്തിന് നേര്കാഴ്ച പദ്ധതി
മനുഷ്യ-വന്യജീവി സംഘര്ഷം ലഘൂകരിക്കുന്നതിനുള്ള വിവിധ പ്രവര്ത്തനങ്ങള്ക്ക് 50.85 കോടി
ഗ്രാമീണ തൊഴിലുറപ്പ് പദ്ധതിയുടെ സംസ്ഥാനവിഹിതമായി 230 കോടി
അയ്യങ്കാളി തൊഴിലുറപ്പ് പദ്ധതിയില് 65 ലക്ഷം തൊഴില് ദിനങ്ങള് സൃഷ്ടിക്കും.
തീയറ്ററുകളെ ബന്ധിപ്പിക്കുന്ന മൊബൈല് ആപ്പ് വികസിപ്പിക്കും.
പേവിഷത്തിനെതിരെ തദ്ദേശീയ വാക്സിന് വികസിപ്പിക്കും
സംസ്ഥാനത്തെ എല്ലാ താലൂക്ക് ആശുപത്രികളോടും ചേര്ന്ന് നഴ്സിങ് കോളജുകള് ആരംഭിക്കും.
തോട്ടം തൊഴിലാളികളുടെ ദുരിതാശ്വാസ നിധി 1.10 കോടി രൂപ
തോട്ടം തൊഴിലാളികളുടെ ലയങ്ങളിലെ സൗകര്യങ്ങള് മെച്ചപ്പെടുത്തുന്നതിന് 10 കോടി രൂപ.
വ്യാവസായിക ഭൂമി വാങ്ങുന്നതിന് 100% ധനസഹായം കെഎഫ്സി വഴി നല്കും.
മത്സ്യത്തൊഴിലാളികള്ക്ക് ആഴക്കടല് മത്സ്യബന്ധന ബോട്ട് വാങ്ങുന്നതിന് ബോട്ട് ഒന്നിന് 70 ലക്ഷം രൂപ വരെ 5% വാര്ഷിക പലിശ നിരക്കില് കെഎഫ്സി വഴി വായ്പ നല്കും.
മിഷന് 1000: 1000 സംരംഭങ്ങള്ക്ക് 4 വര്ഷം കൊണ്ട് 1,00,000 കോടി രൂപ വിറ്റുവരവ് കൈവരിക്കുന്നതിന് സ്കെയില് അപ്പ് പാക്കേജ്.
തിരുവനന്തപുരത്തും കൊച്ചിയിലും ഗ്രീന് ഹൈഡ്രജന് ഹബ്ബുകള് സ്ഥാപിക്കുന്നതിന് 2 വര്ഷത്തിനുള്ളില് 200 കോടി രൂപ ചെലവഴിക്കും.
ലോകത്തെ മികച്ച 200 സര്വ്വകലാശാലകളില് ഹ്രസ്വകാല ഗവേഷണ അസൈന്മെന്റുകള് നേടുന്ന 100 ഗവേഷകര്ക്ക് സ്കോളര്ഷിപ്പുകള് നല്കും
പരമ്പരാഗത തൊഴില് മേഖലകളിലെ തൊഴിലാളികള്ക്ക് 1250 രൂപ നിരക്കില് ധനസഹായം നല്കുന്നതിന് 90 കോടി
വയോജനങ്ങളുടെ ക്ഷേമം ലക്ഷ്യമിട്ടുള്ള സായംപ്രഭ പദ്ധതിക്ക് 6.8 കോടി രൂപ വയോമിത്രം പദ്ധതിയ്ക്ക് 27.5 കോടി.
സര്ക്കാര് ഓഫീസുകള് ഭിന്നശേഷി സൗഹൃദമാക്കുന്ന ബാരിയര് ഫ്രീ കേരള പദ്ധതിക്ക് 9 കോടി രൂപ
മെന്സ്ട്രല് കപ്പിന്റെ ഉപയോഗം പ്രചരിപ്പിക്കുന്നതിനായി 10 കോടി രൂപ
അങ്കണവാടി കുട്ടികള്ക്ക് ആഴ്ചയില് 2 ദിവസം മുട്ടയും പാലും നല്കുന്നതിനായി 63.5 കോടി രൂപ.
സര്ക്കാര് ജീവനക്കാരുടെ സർവീസും ശമ്പളവും കൈകാര്യം ചെയ്യുന്ന സ്പാര്ക്ക് സോഫ്റ്റ്വെയറിന്റെ പുതിയ വെര്ഷന് പുറത്തിറക്കും.
സംസ്ഥാന സര്ക്കാരിന്റെ അടിസ്ഥാന സൗകര്യ വികസന പദ്ധതികള്ക്ക് കെഎഫ്സി ബാങ്കുകളും മറ്റ് സര്ക്കാര് ഏജന്സികളുമായും ചേര്ന്ന് ഒരു കണ്സോര്ഷ്യം രൂപീകരിക്കും. ഒരു പദ്ധതിയ്ക്ക് 250 കോടി എന്ന കണക്കില് 2000 കോടി രൂപ കെഎഫ്സി വഴി നല്കും.
