കേരള ബോക്സ്ഓഫിസിൽ റെക്കോർഡ് നേട്ടവുമായി രജനികാന്ത്–നെൽസൺ കൂട്ടുകെട്ടിന്റെ ‘ജയിലർ 2’. ചിത്രം റിലീസ് ദിനത്തിൽ കേരളത്തിൽനിന്ന് 12.5 കോടി രൂപ നേടിയെന്നാണ് റിപ്പോർട്ട്. പ്രമുഖ ബോക്സ്ഓഫിസ് ട്രാക്കിങ് വെബ്സൈറ്റായ സാക്നിൽക്കാണ് കളക്ഷൻ കണക്കുകൾ പുറത്തുവിട്ടത്. ഇതോടെ വിജയ്–ലോകേഷ് കനകരാജ് ചിത്രം ‘ലിയോ’യുടെ കേരളത്തിലെ ആദ്യദിന കളക്ഷൻ റെക്കോർഡ് പഴങ്കഥയായി.ബോക്സ്ഓഫിസിൽ വൻ മുന്നേറ്റം തുടരുന്ന ‘ജയിലർ 2’ ബ്ലോക്ക്ബസ്റ്റർ വിജയത്തിലേക്കാണ് നീങ്ങുന്നത്. തമിഴ്നാട്ടിൽനിന്ന് ആദ്യദിനം 22 കോടി രൂപയാണ് ചിത്രം നേടിയതെന്നാണ് കണക്ക്. എന്നാൽ, തമിഴ്നാട്ടിലെ ആദ്യദിന കളക്ഷനിൽ ‘ലിയോ’യുടെ റെക്കോർഡ് മറികടക്കാൻ ചിത്രത്തിനായില്ല. 35 കോടി രൂപയായിരുന്നു
തമിഴ്നാട്ടിൽനിന്ന് ‘ലിയോ’ നേടിയ ആദ്യദിന കളക്ഷൻ.
ആഗോള ബോക്സ്ഓഫിസ് കളക്ഷനിലും നിലവിൽ ‘ലിയോ’യാണ് മുന്നിൽ. ചിത്രം ആദ്യദിനം ആഗോളതലത്തിൽ 148.5 കോടി രൂപ നേടിയിരുന്നു. ‘ജയിലർ 2’ന്റെ ആഗോള കളക്ഷൻ 125.25 കോടി രൂപയാണെന്നാണ് റിപ്പോർട്ട്.
ഇന്ത്യയിൽനിന്ന് 71 കോടി രൂപയുടെ ഗ്രോസ് കളക്ഷൻ നേടിയ ചിത്രം, 59.70 കോടി രൂപയുടെ നെറ്റ് കളക്ഷനാണ് സ്വന്തമാക്കിയത്. വിദേശ വിപണികളിൽനിന്ന് 55 കോടി രൂപയും ലഭിച്ചു. ആദ്യദിനത്തിലെ ഈ കളക്ഷൻ കണക്കുകൾ ‘ജയിലർ 2’ന്റെ ബോക്സ്ഓഫിസ് മുന്നേറ്റം വ്യക്തമാക്കുന്നതാണ്.
