കോർപ്പറേറ്റ് ബോണ്ട് വിപണി മൂലധന രൂപീകരണത്തിനും നിക്ഷേപ വൈവിധ്യവൽക്കരണത്തിനുമുള്ള പ്രധാന മാർഗ്ഗമാണ്. ഈ മേഖലയുടെ വളർച്ചയ്ക്ക് സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ (സെബി) ശ്രദ്ധ കേന്ദ്രീകരിക്കുകയാണ്. കോർപ്പറേറ്റ് ബോണ്ട് വിപണിയെക്കുറിച്ചുള്ള പാൻ-ഇന്ത്യ ബോധവൽക്കരണ പരിപാടിയിൽ മാധ്യമപ്രവർത്തകരോട് സംസാരിച്ച സെബി ചെയർമാൻ തുഹിൻ കാന്ത് പാണ്ഡെ, വിപണി മെച്ചപ്പെടുത്താനുള്ള ത്രിതല പദ്ധതിയുടെ വിശദാംശങ്ങൾ പങ്കുവെച്ചു.
“ആദ്യത്തെ ഘട്ടം പ്രാഥമിക ഇഷ്യൂകളെയും പബ്ലിക് ഇഷ്യൂകളെയും മെച്ചപ്പെടുത്തുക. രണ്ടാമത്തെ ഘട്ടം സെക്കൻഡറി മാർക്കറ്റ് ലിക്വിഡിറ്റി വർദ്ധിപ്പിക്കുക. മൂന്നാമത്തെ ഘട്ടം നിക്ഷേപകരെ ബോധവൽക്കരിക്കുക,” പാണ്ഡെ വിശദീകരിച്ചു .കോർപ്പറേറ്റ് ബോണ്ട് വിപണി ഇതിനകം ഗണ്യമായ വളർച്ച കൈവരിച്ചിട്ടുണ്ട്. 17 ലക്ഷം കോടി രൂപയായ വിപണി നിലവിൽ 58 ലക്ഷം കോടിയായി ഉയർന്നതായി പാണ്ഡെ ചൂണ്ടിക്കാട്ടി. ഒരു കാലത്ത് വ്യവസായങ്ങൾക്കുള്ള ബാങ്ക് വായ്പയുടെ 40 ശതമാനം കോർപ്പറേറ്റ് ബോണ്ടുകളായിരുന്നെങ്കിൽ, ഇപ്പോൾ അത് 60 ശതമാനമായി വർധിച്ചു.ഡെറിവേറ്റീവ് വിപണികളിൽ സെബി പെട്ടെന്നുള്ള മാറ്റങ്ങൾ ആലോചിക്കുന്നില്ലെന്നും നിലവിലുള്ള ചട്ടക്കൂട് തുടരുമെന്നും അദ്ദേഹം കൂട്ടിച്ചേർത്തു.
മുനിസിപ്പൽ ബോണ്ടുകളിൽ ശ്രദ്ധ
നഗരങ്ങളുടെ അടിസ്ഥാന സൗകര്യ വികസനത്തിന് മുനിസിപ്പൽ ബോണ്ടുകൾ പുതിയ സാധ്യതകൾ തുറക്കുന്നു. ഇതുവരെ 12 മുനിസിപ്പൽ ബോണ്ടുകൾ പുറത്തിറക്കിയിട്ടുണ്ടെങ്കിലും, നിലവിലെ വിപണി ആവശ്യകതകളെ മറികടക്കുന്നതിനു യോജിക്കുന്നതല്ലെന്ന് പാണ്ഡെ പറഞ്ഞു. വരുമാനം എസ്ക്രോ അക്കൗണ്ടുകളിൽ സൂക്ഷിക്കുന്ന സംവിധാനം നിക്ഷേപകരെ സംരക്ഷിക്കാൻ സെബി നടപ്പിലാക്കിയിട്ടുണ്ട്.
വിദേശ നിക്ഷേപകരെ ആകർഷിക്കുക
വിദേശ പോർട്ട്ഫോളിയോ നിക്ഷേപകരെ (FPIs) ആകർഷിക്കുന്നതിനായി വ്യാപാര തടസ്സങ്ങൾ കുറയ്ക്കാനും, നിയന്ത്രണ അനിശ്ചിതത്വങ്ങൾ നീക്കാനും സെബി ശ്രദ്ധ കേന്ദ്രീകരിക്കുന്നു. ഡിജിറ്റൽ രേഖ സമർപ്പണം, ലളിതമായ ബ്ലോക്ക് ഡീൽ ചട്ടങ്ങൾ, പ്രവർത്തന കാര്യക്ഷമത വർദ്ധിപ്പിക്കുന്ന നെറ്റിംഗ് തുടങ്ങിയ പദ്ധതികളാണ് ഇതിനുള്ള ഉദാഹരണങ്ങൾ.
ചെറുകിട നിക്ഷേപകരെ ബോധവൽക്കരണം
ചെറുകിട നിക്ഷേപകർ അവരുടെ ജീവിത ചക്രത്തെയും റിസ്ക് കൈകാര്യം ചെയ്യാനുള്ള കഴിവിനെയും അടിസ്ഥാനമാക്കി പോർട്ട്ഫോളിയോ വൈവിധ്യവൽക്കരണം നടത്തണം. സെബി കണക്കാക്കുന്നത്, 138 ദശലക്ഷം നിക്ഷേപകരുള്ള രാജ്യത്ത് ഓഹരി വിപണിയിലെ റിസ്കുകൾക്കു ആശങ്കയുള്ളവർക്ക് ബോണ്ട് വിപണിയിലേക്ക് പ്രവേശിക്കാൻ സാധ്യതയുള്ളതാണ്. “ബോണ്ട് വിപണിയിൽ പ്രവേശിക്കാൻ സൗകര്യങ്ങൾ ഒരുക്കുകയും ബോധവൽക്കരിക്കുകയും ചെയ്യേണ്ടതാണ്,” പാണ്ഡെ പറഞ്ഞു.
