ലംബോർഗിനി റെവൽറ്റോ ഇന്ത്യൻ വാഹന വിപണിയിൽ ലോഞ്ച് ചെയ്തു. 8.89 കോടി രൂപ എക്സ്-ഷോറൂം വിലയുള്ള ഈ സൂപ്പർകാർ, ലംബോർഗിനിയിൽ നിന്നുള്ള ആദ്യത്തെ സീരീസ്-പ്രൊഡക്ഷൻ പ്ലഗ്-ഇൻ ഹൈബ്രിഡ് ഓഫറാണ്. ഇത് രാജ്യത്തുടനീളം പരിമിതമായ യൂണിറ്റുകളിൽ ലഭ്യമാകും. പ്രാരംഭ യൂണിറ്റ് വരും ആഴ്ചകളിൽ ഉടമകളിലേക്ക് എത്തിക്കാൻ തയ്യാറാണ്. പക്ഷേ 2026 വരെയുള്ള റെവൽറ്റോ ഇതിനകം വിറ്റുതീർന്നു എന്നാണ് റിപ്പോര്ട്ടുകൾ.
ഫീച്ചറുകളാൽ സമ്പന്നമാണ് കാർ. ലംബോർഗിനി റെവൽറ്റോക്ക് ഒരു 8.4 ഇഞ്ച് ഫ്ലോട്ടിംഗ് ടച്ച്സ്ക്രീൻ ലഭിക്കുന്നു. 12.3 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്ററും 9.1 ഇഞ്ച് പാസഞ്ചർ സൈഡ് ഡിസ്പ്ലേയും അനുബന്ധമായി. മിനിമലിസ്റ്റ് ഡിസൈൻ ഡാഷ്ബോർഡിൽ നിന്ന് ഒന്നിലധികം ഫിസിക്കൽ നിയന്ത്രണങ്ങൾ ഒഴിവാക്കുന്നു, ഉള്ളിൽ, ഒരു കാർബൺ ഫൈബർ സെന്റർ പ്രൊഫൈലിനൊപ്പം ‘Y’ ഡിസൈൻ തീം ലഭിക്കുന്നു. സെൻട്രൽ കൺസോളിൽ ഒരു ഫൈറ്റർ ജെറ്റ്-സ്റ്റൈൽ സ്റ്റാർട്ടർ ബട്ടൺ ഉണ്ട്.ക്യുമുലേറ്റീവ് പവറും ടോർക്ക് ഔട്ട്പുട്ടുകളും യഥാക്രമം 1,015bhp, 807 എൻഎം എന്നിവയിൽ എത്തുന്നു. വെറും 2.5 സെക്കൻഡുകൾക്കുള്ളിൽ പൂജ്യം മുതൽ 100 കിലോമീറ്റർ വരെ വേഗത കൈവരിക്കാനും 350 കിലോമീറ്റർ വേഗത കൈവരിക്കാനും റെവൽറ്റോയ്ക്ക് സാധിക്കും. 8-സ്പീഡ് ഡ്യുവൽ-ക്ലച്ച് ഓട്ടോമാറ്റിക് ഗിയർബോക്സാണ് ട്രാൻസ്മിഷൻ.
മൾട്ടിഫങ്ഷണൽ സ്റ്റിയറിംഗ് വീലിൽ ഹൈബ്രിഡ് സിസ്റ്റം മാനേജ്മെന്റ്, ഡ്രൈവ് മോഡ് തിരഞ്ഞെടുക്കൽ, ഡാംപിംഗ് സെറ്റിംഗ്സ് അഡ്ജസ്റ്റ്മെന്റ്, ആക്റ്റീവ് എയറോഡൈനാമിക്സ് മാനിപുലേഷൻ, നോസ് ലിഫ്റ്റ് ഓപ്പറേഷൻ എന്നിവയ്ക്കായി മൗണ്ടഡ് കൺട്രോളുകൾ ഉൾപ്പെടുന്നു. കൂടാതെ, മുൻവശത്തെ ഹുഡിനടിയിലും സീറ്റുകൾക്ക് പിന്നിലും കമ്പാർട്ടുമെന്റുകൾ ഉപയോഗിച്ച് സ്റ്റോറേജ് സ്പേസ് വർദ്ധിപ്പിച്ചിരിക്കുന്നു. അവന്റഡോർ നിശ്ചയിച്ചിട്ടുള്ള മാനദണ്ഡങ്ങളെ മറികടന്ന് മെച്ചപ്പെട്ട സൗകര്യവും സീറ്റുകളുടെ വലിപ്പവും ശ്രദ്ധേയമാണ്
