2024-25 സാമ്പത്തിക വർഷത്തിൽ ടെക്നോപാർക്ക് 14,575 കോടി രൂപയുടെ സോഫ്റ്റ്വെയർ കയറ്റുമതി വരുമാനം നേടി. മുൻ വർഷത്തെ 13,255 കോടി രൂപയുമായി താരതമ്യപ്പെടുത്തുമ്പോൾ 10% -ത്തിലധികം വളർച്ചയാണ് രേഖപ്പെടുത്തിയിരിക്കുന്നത്.768.63 ഏക്കറിൽ 12.72 ദശലക്ഷം ചതുരശ്രയടി വിസ്തൃതിയിലുള്ള ഐടി പാർക്കിൽ നിലവിൽ 500-ഓളം കമ്പനികൾ പ്രവർത്തിക്കുന്നു. 80,000 പേർക്ക് നേരിട്ടും, 2 ലക്ഷത്തിലധികം പേർക്ക് പരോക്ഷമായും തൊഴിൽ നൽകുന്നതാണ്.
കേരളത്തിലെ ഐടി മേഖലയുടെയും പ്രൊഫഷണലിസത്തിന്റെയും ശക്തിയുടെ തെളിവാണ് ഈ നേട്ടമെന്ന് ടെക്നോപാർക്ക് സിഇഒ കേണൽ സഞ്ജീവ് നായർ അഭിപ്രായപ്പെട്ടു.
