സ്വിഗ്ഗി ലിമിറ്റഡിന്റെ പ്രാഥമിക ഓഹരി വില്പന (ഐപിഒ) നവംബര് 6 മുതല് 8 വരെ നടക്കും. 4499 കോടി രൂപയുടെ പുതിയ ഇക്വിറ്റി ഓഹരികളും നിലവിലുള്ള നിക്ഷേപകരുടെ 175,087,863 ഇക്വിറ്റി ഓഹരികളുടെ ഓഫര് ഫോര് സെയിലുമാണ് ഐപിഒയില് ഉള്പ്പെടുത്തിയിരിക്കുന്നത്.ഒരു രൂപ മുഖവിലയുള്ള ഓഹരി ഒന്നിന് 371 രൂപ മുതല് 390 രൂപ വരെയാണ് പ്രൈസ് ബാന്ഡ് നിശ്ചയിച്ചിരിക്കുന്നത്. കുറഞ്ഞത് 38 ഇക്വിറ്റി ഓഹരികള്ക്കും തുടര്ന്ന് 38ന്റെ ഗുണിതങ്ങള്ക്കും അപേക്ഷിക്കാം. ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും.
