ലുലു മാൾ പാർക്കിങ് ഫീസ് സംബന്ധിച്ച നിയമവാദങ്ങൾക്ക് ഒടുവിൽ നിർണായക വിധി. ഉപഭോക്താക്കളിൽ നിന്ന് പാർക്കിങ് ഫീസ് പിരിക്കുന്നതിന് ലുലു മാൾ അധികൃതർക്ക് അവകാശമുണ്ടെന്ന മുൻ സിംഗിൾ ബെഞ്ച് ഉത്തരവ് ഹൈക്കോടതി ഡിവിഷൻ ബെഞ്ചും ഉറപ്പിച്ചു. മുനിസിപ്പാലിറ്റി ആക്ടും ബിൽഡിങ് റൂൾസും ലംഘിച്ചാണ് ഫീസ് പിരിക്കുകയെന്ന ഹർജിക്കാരുടെ വാദം കോടതി തള്ളി.ജസ്റ്റിസുമാരായ എസ്.എ. ധർമാധികാരി, വി.എം. ശ്യാംകുമാർ എന്നിവരുടെ നേതൃത്വത്തിലുള്ള ബെഞ്ചാണ് വിധി പുറപ്പെടുവിച്ചത്. പാർക്കിങ് നിരക്ക് ഈടാക്കുന്നതിൽ കെട്ടിട ഉടമയ്ക്കുണ്ട് വിവേചനാധികാരം എന്ന് കോടതി നിരീക്ഷിച്ചു.
പരിപാലനച്ചെലവുകൾക്കായുള്ള ഫീസ്
ഹർജിക്കാർ നൽകിയ അപ്പീൽ പരിഗണിച്ചപ്പോഴും, പാർക്കിങ് സംവിധാനം വികസിപ്പിക്കാനും പരിപാലിക്കാനും ഈടാക്കുന്ന ന്യായമായ പരിധിക്കുള്ള ഫീസ് നിയമാനുസൃതമെന്ന് കോടതി വ്യക്തമാക്കി. ബേസ്മെന്റ്, മൾട്ടിലെവൽ പാർക്കിങ് ഉൾപ്പടെയുള്ള വിശാലവും സുരക്ഷിതവുമായ സൗകര്യങ്ങൾ ഒരുക്കിയിരിക്കുന്നതിനാൽ, അതിനാവശ്യമായ ചെലവ് ഈടാക്കുന്നത് സ്വാഭാവികമാണെന്നായിരുന്നു ലുലുവിന്റെ വാദം.
പാർക്കിങ് ഏരിയയും കെട്ടിട നികുതി കണക്കിലെടുത്താണ് ലൈസൻസ് അനുവദിച്ചിട്ടുളളത് എന്നും കളമശേരി നഗരസഭ കോടതിയെ അറിയിച്ചു.
ബിസിനസ് അവകാശം ഹൈക്കോടതി അംഗീകരിക്കുന്നു
• പേ ആൻഡ് പാർക്ക് ഉൾപ്പെടെയുള്ള സേവനങ്ങൾക്ക് ലൈസൻസ് അനുവദിക്കാമെന്ന വ്യവസ്ഥ മുനിസിപ്പാലിറ്റി ചട്ടങ്ങളിൽ വ്യക്തമായുണ്ടെന്ന് കോടതി വ്യക്തമാക്കി.
• പാർക്കിങ് സൗകര്യം ഒരു ബിസിനസ് പ്രിവിലേജ് ആണെന്നും അതിനാൽ ഫീസ് പിരിക്കാനുളള അവകാശം ഹരജിക്കാർ ചോദ്യം ചെയ്യാനാകില്ലെന്നും വിധി.
