വിഷുദിനത്തിൽ പുതിയ ലോഗോ അവതരിപ്പിച്ച് മമ്മൂട്ടി കമ്പനി. മമ്മൂട്ടി കമ്പനി എന്നെഴുതുമ്പോഴത്തെ ഇംഗ്ലീഷ് അക്ഷരങ്ങളായ എം, കെയും മലയാളത്തിലെ ‘മ’, ‘ക’യും ഒപ്പം മൂവി ക്യാമറയും ഉൾപ്പെടുത്തിയാണ് ലോഗോ തയ്യാറാക്കിയിരിക്കുന്നത്. തങ്ങളുടെ സോഷ്യൽ മീഡിയ വഴിയാണ് ലോഗോ മമ്മൂട്ടി കമ്പനി അവതരിപ്പിച്ചിരിക്കുന്നത്.
ആഷിഫ് സലിമാണ് പുതിയ ലോഗോ മമ്മൂട്ടി കമ്പനിക്കായി ഡിസൈന് ചെയ്തിരിക്കുന്നത്. ‘ഞങ്ങളെ നിങ്ങളുടെ ഹൃദയത്തോട് ചേര്ത്ത് നിര്ത്തിയ ഓരോരുത്തര്ക്കും നന്ദി പറയുന്നു’, എന്നാണ് കമ്പനി അംഗങ്ങൾ സോഷ്യൽ മീഡിയയിൽ കുറിച്ചത്. മമ്മൂട്ടിയും പോസ്റ്റ് പങ്കുവച്ചിട്ടുണ്ട്.
നിര്മ്മിച്ച ചിത്രങ്ങളുടെ ഗുണനിലവാരം കൊണ്ട് ചെറിയ കാലയളവില് വലിയ പ്രേക്ഷകശ്രദ്ധ നേടിയ നിര്മ്മാണ കമ്പനിയാണ് മമ്മൂട്ടിയുടെ ഉടമസ്ഥതയിലുള്ള മമ്മൂട്ടി കമ്പനി. നന്പകല് നേരത്ത് മയക്കവും റോഷാക്കുമാണ് ഈ കമ്പനിയുടേതായി നിര്മ്മിക്കപ്പെട്ട് ചിത്രങ്ങള്. കാതല്, കണ്ണൂര് സ്ക്വാഡ് എന്നിവയാണ് ഈ ബാനറിന്റേതായി റിലീസ് ആകാനുള്ള ചിത്രങ്ങള്.
