കൊച്ചി ലുലു മാരിയറ്റ് ഹോട്ടലിൽ നടന്ന ഏഷ്യാനെറ്റ് സാറ്റലൈറ്റ് കമ്മ്യൂണിക്കേഷൻസ് – എസിവി പവർ ആൻഡ് പാർട്ണർഷിപ്പ് അവാർഡ് വിതരണച്ചടങ്ങിൽ, എട്ട് വനിത സംരംഭകരും, ബിസിനസ് രംഗത്ത് നേട്ടമുണ്ടാക്കിയ ആറു ദമ്പതികളും അവാർഡുകൾ ഏറ്റുവാങ്ങി.ഹെൽത്ത് കെയർ, റിയൽ എസ്റ്റേറ്റ്, എൻജിനീയറിങ്, ഇൻഷുറൻസ് തുടങ്ങിയ മേഖലകളിൽ മാതൃകാപരമായി പ്രവർത്തിച്ച് വിജയിച്ച വനിത സംരംഭകർക്കാണ് എംപവർ ഹെർ അവാർഡ് നൽകി ആദരം കാണിച്ചത്. ഹെൽത്ത് കെയർ, ടെക്സ്റ്റൈൽ, ജ്വല്ലറി, എഡ്യൂക്കേഷൻ മേഖലകളിൽ നേട്ടം നേടിയ ദമ്പതികൾക്ക് ബിസിനസ് കപ്പിൾ അവാർഡുകളും വിതരണം ചെയ്തു.
ഏഷ്യാനെറ്റ് എമർജിംഗ് വിമൺ എന്റർപ്രണർ ( മാനുഫാക്ചറിംഗ് & എക്സ്പോർട്ട് വിഭാഗം) അവാർഡ് DQ ബ്രാൻഡ് (VEDCREST VENTURES)-COO ഷെൽസിയ നഹാസ് ഖാലിദ് ഏറ്റുവാങ്ങി.
2008-ൽ സ്ഥാപിച്ച Vedcrest Ventures, ഇന്ന് തിരുപ്പൂർ കേന്ദ്രീകരിച്ച് പ്രവർത്തിക്കുന്ന പ്രമുഖ ഗാർമെന്റ് എക്സ്പോർട്ടേഴ്സ് ആണ്. വസ്ത്ര നിർമ്മാണ രംഗത്തെ പതിറ്റാണ്ടുകളുടെ പാരമ്പര്യത്തിന് അപ്പുറം ലൈഫ് സ്റ്റൈൽ രംഗത്തേക്ക് കൂടെ ബിസിനസ് വ്യാപിക്കുകയാണ് പുതുതലമുറ. ലെെഫ്സ്റ്റെെലിലെ പുതുട്രെൻഡുകളുടെ ചൂടുപിടിച്ച് ഇ കൊമേഴ്സ് രംഗത്ത് മാറ്റുരയ്ക്കാൻ DQ എന്ന ബ്രാൻഡിലൂടെ ശ്രമിക്കുകയാണ് യുവ സംരംഭക സെൽഷ്യ ഖാലിദ്. ട്രെൻഡിങ് ടീഷർട്ടുകളുടെ വിൽപ്പനക്കപ്പുറം പ്രീമിയം സൺഗ്ലാസുകൾ,ആക്സസറീസ് തുടങ്ങി DQ എന്ന ബ്രാൻഡിൽ വിപണിയിലെത്തും.
അവാർഡ് വിതരണം മുൻ എംപി സെബാസ്റ്റ്യൻ പോൾ, നടനും സംവിധായകനുമായ എൻ.എ. നിഷാദ്, എസിവി വൈസ് പ്രസിഡന്റ് സലിൽ തോമസ്, സെയിൽസ് ഹെഡ് ബിജോ ജോസ്, ഏഷ്യാനെറ്റ് സാറ്റലൈറ്റ് കമ്മ്യൂണിക്കേഷൻസ് സോണൽ ഹെഡ് സതീഷ് കുമാർ എന്നിവർ ചേർന്ന് നിർവ്വഹിച്ചു.
