നിലവിലെ സാമ്പത്തിക വർഷത്തിന്റെ രണ്ടാം പാദത്തിൽ ഇന്ത്യയുടെ സമ്പദ്വ്യവസ്ഥ കൂടുതൽ ശക്തിപ്പെടുമെന്ന് എസ്ബിഐ റിസർച് വിലയിരുത്തുന്നു. ഈ കാലയളവിൽ ജിഡിപി വളർച്ച 7.5% വരെ എത്തുമെന്നാണു റിപ്പോർട്ടിന്റെ നിർണ്ണയം.
ജിഎസ്ടി നിരക്കിളവ് മൂലം വിപണിയിൽ ഉണ്ടായ വിൽപനാ കുതിപ്പ് ഈ വളർച്ചയ്ക്ക് പ്രധാന പിന്തുണയായതായി എസ്ബിഐ റിസർച് വ്യക്തമാക്കുന്നു.ജൂലൈ–സെപ്റ്റംബർ പാദത്തിലെ ഔദ്യോഗിക ജിഡിപി കണക്ക് കേന്ദ്ര സർക്കാർ ഈ മാസം അവസാനം പുറത്തുവിടും. ഈ പാദത്തിലെ വളർച്ച 7% ആയി നിൽക്കുമെന്നതാണ് റിസർവ് ബാങ്കിന്റെ മുൻകൂട്ടി കണക്ക്.
