ലോകബാങ്ക് വളർച്ചാ പ്രവചനം ഉയർത്തി; ട്രംപിന്റെ തീരുവയുദ്ധം India, Chinaയെ തളർക്കില്ല. അമേരിക്കൻ മുൻ പ്രസിഡന്റ് ഡോണൾഡ് ട്രംപ് പ്രഖ്യാപിച്ച കനത്ത 50% സ്റ്റീൽ തീരുവയുടെ പശ്ചാത്തലത്തിൽ ഇന്ത്യയും ചൈനയും വലിയ സാമ്പത്തിക മുന്നേറ്റം നടത്തുമെന്ന് ലോകബാങ്ക് വിലയിരുത്തുന്നു. തീരുവകൾ ഇന്ത്യയെ തളർത്തില്ലെന്നും രാജ്യത്തിന്റെ വളർച്ചാനിരക്ക് ഉയരുമെന്നും ലോകബാങ്ക് അഭിപ്രായപ്പെട്ടു.
2025–26 സാമ്പത്തിക വർഷത്തിലെ ഇന്ത്യയുടെ വളർച്ചാനിരക്ക് 6.3 ശതമാനത്തിൽ നിന്നു 6.5 ശതമാനത്തേക്കും, 2026–27ലെ പ്രവചനം 6.5ൽ നിന്ന് 6.7 ശതമാനത്തേക്കുമാണ് ഉയർത്തിയിരിക്കുന്നത്. ഇന്ത്യ ലോകത്തിലെ ഏറ്റവും വേഗം വളരുന്ന വലിയ സമ്പദ്വ്യവസ്ഥയായിരിക്കും എന്നും അതിന്റെ ആഭ്യന്തര വിപണി, കാർഷിക വളർച്ച, ഗ്രാമീണ വരുമാനവർധന തുടങ്ങിയ ഘടകങ്ങൾ നേട്ടമാകുമെന്നും ലോകബാങ്ക് വ്യക്തമാക്കി.
ട്രംപിന്റെ തീരുവ പ്രഖ്യാപനം തിരിച്ചടിയാകാമെങ്കിലും, വ്യാപാര കരാറുകൾ വഴി ഇന്ത്യയ്ക്ക് പ്രതികൂലതകൾ മറികടക്കാൻ കഴിയുമെന്ന് വിലയിരുത്തൽ. സ്വകാര്യ നിക്ഷേപം, തൊഴിലവസരങ്ങൾ, മത്സരക്ഷമത എന്നിവയിൽ വളർച്ച ഉണ്ടാകും.ചൈനയുടെ വളർച്ചാപ്രവചനം ഇതുവരെ കണക്കാക്കിയ 4% ല് നിന്നും 4.8% ആയി ഉയര്ത്തി. ഷിയുടെ ഉത്തേജക പദ്ധതികളാണ് ഇതിന് പിന്നിൽ.
അതേസമയം, തീരുവയുദ്ധത്തിന്റെ പൂർണ്ണ ആഘാതം 2026-ലായിരിക്കും പ്രതിഫലിക്കുക എന്ന് ലോക വ്യാപാര സംഘടന (WTO) മുന്നറിയിപ്പു നൽകുന്നു. ഈ വർഷം 2.4% വളർച്ച കാണുമെന്നാണെങ്കിലും, 2026-ൽ അത് 2.6% ആയി കുറയും.
യൂറോപ്യൻ യൂണിയൻ, ട്രംപ് ഏർപ്പെടുത്തിയ 50% സ്റ്റീൽ തീരുവക്ക് തിരിച്ചടിയായി അതേ തോതിൽ തീരുവ നിശ്ചയിച്ചതും ആശങ്ക വർധിപ്പിച്ചിരിക്കുകയാണ്. ഇതിന്റെ ആഘാതം ബ്രിട്ടനിലേക്ക് കൈവരുമെന്ന് വിശകലനം.
