പുതിയ സെൽറ്റോസിന്റെ വിജയകരമായ ലോഞ്ചിന് ശേഷം, 2024-ന്റെ ആദ്യ പാദത്തിൽ കിയ സോനെറ്റ് ഫെയ്സ്ലിഫ്റ്റ് രാജ്യത്ത് അവതരിപ്പിക്കും. ഔദ്യോഗിക അരങ്ങേറ്റത്തിന് മുന്നോടിയായി, 2024 കിയ സോനെറ്റ് ഫെയ്സ്ലിഫ്റ്റിന്റെ പുതിയ ചിത്രങ്ങൾ വെബ് ലോകത്തെത്തി. ചൈനയിൽ നിന്നുള്ള ഏറ്റവും പുതിയ ചാര ചിത്രങ്ങൾ അപ്ഡേറ്റ് ചെയ്ത സോനെറ്റിന്റെ ബാഹ്യ രൂപകൽപ്പന വെളിപ്പെടുത്തുന്നു.
ഇന്ത്യയ്ക്കായുള്ള അപ്ഡേറ്റ് ചെയ്ത സോനെറ്റ് അല്പം വ്യത്യസ്തമായ ഫ്രണ്ട്, റിയർ ബമ്പറുകൾക്കൊപ്പം വരുമെന്ന് പ്രതീക്ഷിക്കുന്നു. 2020 സെപ്റ്റംബറിൽ ലോഞ്ച് ചെയ്തതിന് ശേഷം സോനെറ്റ് കോംപാക്റ്റ് എസ്യുവിക്ക് നൽകിയ ആദ്യത്തെ മിഡ്-ലൈഫ് സൈക്കിൾ അപ്ഡേറ്റാണിത്.2024 കിയ സോനെറ്റിന്റെ ഫ്രണ്ട് ഫാസിയയിൽ പുതിയ ഫ്രണ്ട് ബമ്പറും അപ്ഡേറ്റ് ചെയ്ത ഹെഡ്ലാമ്പ് സജ്ജീകരണവും ഉണ്ട്. പ്രധാന ഹെഡ്ലാമ്പ് യൂണിറ്റ് നിലവിലുള്ള മോഡലിന് സമാനമാണ്. എന്നാൽ ഇതിന് ബമ്പറിലേക്ക് വ്യാപിക്കുന്ന പുതിയ ഡ്രോപ്പ്-ഡൗൺ ഘടകം ഉണ്ട്. പുതുക്കിയ എല്ഇഡി ഡേടൈം റണ്ണിംഗ് ലാമ്പുകളും ഫോഗ് ലാമ്പുകളുമായാണ് ഇത് വരുന്നത്. അൽപ്പം പുനർരൂപകൽപ്പന ചെയ്ത ഫോക്സ് സ്കിഡ് പ്ലേറ്റും സെൻട്രൽ എയർ ഇൻടേക്കിനായി പുതിയ മെഷ് ട്രീറ്റ്മെന്റുമായാണ് സ്പോട്ട് മോഡൽ വരുന്നത്. ചെറിയ എസ്യുവിക്ക് പുതുക്കിയ ഗ്രിൽ ഇൻസെർട്ടുകളും ലഭിക്കുന്നു.
പുതിയ അലോയ് വീലുകൾ ഒഴികെ, 2024 കിയ സോനെറ്റ് ഫെയ്സ്ലിഫ്റ്റിന്റെ സൈഡ് പ്രൊഫൈൽ നിലവിലുള്ള മോഡലിന് സമാനമാണ്. പിന്നിൽ, റാപ്പറൗണ്ട് യൂണിറ്റിന് പകരം എസ്യുവിക്ക് പുതിയ ലംബ ടെയിൽ-ലാമ്പ് യൂണിറ്റ് ലഭിക്കുന്നു. എൽഇഡി ലൈറ്റ് ബാർ ഉപയോഗിച്ചാണ് ഇവയെ ബന്ധിപ്പിച്ചിരിക്കുന്നത്. ഡ്യുവൽ ടോൺ ബ്ലാക്ക് ആൻഡ് സിൽവർ ഫിനിഷുള്ള സ്പോർട്ടിയർ റിയർ ബമ്പറാണ് എസ്യുവിക്ക് ലഭിക്കുന്നത്.കിയ സോനെറ്റ് ഫെയ്സ്ലിഫ്റ്റിന്റെ മുൻ ചിത്രങ്ങൾ ക്യാബിനിൽ സൂക്ഷ്മമായ മാറ്റങ്ങൾ വരുത്തിയതായി വെളിപ്പെടുത്തുന്നു.
