സംസ്ഥാനത്ത് ഇന്ന് സ്വർണവില ചരിത്രത്തിലെ ഏറ്റവും ഉയർന്ന നിരക്കിലെത്തി. ഇന്നലെയും ഇന്നുമായി ചേർന്ന് ഒരു പവന് 720 രൂപയാണ് വർദ്ധിച്ചത്. ഇതോടെ സ്വർണവില മുക്കാൽ ലക്ഷം കടന്നു. 22 കാരറ്റ് സ്വർണത്തിന്റെ ഒരു പവന്റെ ഇന്നത്തെ വിപണി വില 75,040 രൂപയായി. ഇന്ന് മാത്രം 80 രൂപയാണ് വർദ്ധിച്ചത്. ഇന്നലെ 640 രൂപയുടെ വർദ്ധനവുണ്ടായിരുന്നു. ഈ മാസത്തിൽ ആദ്യമായാണ് സ്വർണവില ഇങ്ങനെ ഉയരുന്നത്. കഴിഞ്ഞ മാസം 23നാണ് അവസാനമായി സ്വർണവില മുക്കാൽ ലക്ഷം കടന്നിരുന്നത്.
വിപണിയിൽ 22 കാരറ്റ് സ്വർണത്തിന്റെ ഗ്രാമിന് വില 9,380 രൂപയാണ്. 18 കാരറ്റ് സ്വർണത്തിന്റെ ഗ്രാമിന് 7,700 രൂപയും 14 കാരറ്റ് സ്വർണത്തിന്റെ ഗ്രാമിന് 5,995 രൂപയുമാണ്.
