ഇന്ത്യൻ വിപണിയിൽ ഹീറോ മോട്ടോകോർപ്പ് അവതരിപ്പിച്ച പുതിയ മോഡൽ എക്സ്ട്രീം 125ആർ ഡ്യുവൽ ചാനൽ എബിഎസ്, 125 സിസി വിഭാഗത്തിൽ കൂടുതൽ സുരക്ഷ ഉറപ്പാക്കുന്ന ഒരു പ്രധാന അപ്ഡേറ്റാണ്. പുതിയ വേരിയന്റിന്റെ എക്സ്-ഷോറൂം വില ₹1.04 ലക്ഷം മുതൽ ആരംഭിക്കുന്നു.ഡിസൈൻ ലൈനിൽ വലിയ മാറ്റങ്ങളൊന്നുമില്ലെങ്കിലും, പുതിയ പെയിന്റ് സ്കീമും ഗ്രാഫിക് ഡിസൈനും വാഹനം കൂടുതൽ ആകർഷകമാക്കുന്നു. ചുവപ്പ്, വെള്ളി, പച്ച, കറുപ്പ് എന്നീ ഡ്യുവൽ ടോൺ കളർ ഓപ്ഷനുകളാണ് ലഭ്യമാക്കിയിരിക്കുന്നത്.
പ്രധാന സവിശേഷതകൾ
• ഡ്യുവൽ ചാനൽ എബിഎസ്: 125 സിസി സെഗ്മെന്റിൽ ആദ്യമായി ഹീറോ അവതരിപ്പിക്കുന്നു.
• ഡ്യുവൽ ഡിസ്ക് ബ്രേക്ക്, റൈഡ്-ബൈ-വയർ ത്രോട്ടിൽ, ക്രൂസ് കൺട്രോൾ, മൂന്ന് റൈഡിംഗ് മോഡുകൾ (Power, Road, Eco).
• 4.2 ഇഞ്ച് എൽസിഡി ഡിസ്പ്ലേ, ഗ്ലാമർ X-യിലേതിന് സമാനമായത്.
• ടെലിസ്കോപിക് ഫ്രണ്ട് ഫോർക്കും മോണോഷോക്ക് റിയർ സസ്പെൻഷനും.
എഞ്ചിൻ പ്രകടനം
124.7 സിസി എയർ കൂള്ഡ് സിംഗിൾ സിലിണ്ടർ എഞ്ചിൻ 11.5 എച്ച്.പി പവർയും 10.5 എൻ.എം ടോർക്കും ഉൽപ്പാദിപ്പിക്കുന്നു. 5-സ്പീഡ് ഗിയർബോക്സ് ഉൾപ്പെടുത്തിയിരിക്കുന്നു.
വിലയും വകഭേദങ്ങളും
• എക്സ്ട്രീം 125ആർ എബിഎസ് സിംഗിൾ സീറ്റ് (₹92,500)
• എക്സ്ട്രീം 125ആർ എബിഎസ് OBD2B (₹92,500)
• എക്സ്ട്രീം 125ആർ ഐബിഎസ് OBD2B (₹89,000)
• പുതിയത്: എക്സ്ട്രീം 125ആർ ഡ്യുവൽ ചാനൽ എബിഎസ് (₹1.04 ലക്ഷം)
