ചൈനീസ് വാഹന ബ്രാൻഡായ എംജി ഇന്ത്യ അതിന്റെ ഏറ്റവും ആഡംബരവും പ്രീമിയം എസ്യുവിയുമായ ഹെക്ടർ പ്ലസ് വാങ്ങുന്നവർക്ക് സന്തോഷവാര്ത്ത. ഈ എസ്യുവിയുടെ വില കമ്പനി ഗണ്യമായി കുറച്ചിട്ടുണ്ട് എന്നാണ് പുതിയ റിപ്പോര്ട്ടുകള്. 71,000 രൂപ വരെയാണ് കമ്പനി ഈ കാറിന്റെ വില കുറച്ചത്. ഈ കാറിന്റെ വ്യത്യസ്ത വേരിയന്റുകളിൽ ഈ കിഴിവുകൾ വ്യത്യാസപ്പെടുന്നു. കുറഞ്ഞത് 27,000 രൂപയുടെ ആനുകൂല്യം ഉപഭോക്താക്കൾക്ക് തീർച്ചയായും ലഭിക്കും. ഹെക്ടർ പ്ലസിന്റെ പെട്രോൾ, ഡീസൽ വേരിയന്റുകളിൽ കമ്പനി ഈ കുറവ് വരുത്തിയിട്ടുണ്ട്.
ഹെക്ടർ പ്ലസിന്റെ അടിസ്ഥാന വേരിയന്റായ സ്റ്റൈൽ എംടിയുടെ പ്രാരംഭ വില നേരത്തെ 14,99,800 രൂപയായിരുന്നു. അത് ഇപ്പോൾ 14,72,800 രൂപയായി. അതായത്, ഇപ്പോൾ നിങ്ങൾ ഇത് വാങ്ങാൻ 27,000 രൂപ കുറച്ച് ചെലവഴിക്കേണ്ടിവരും. അതുപോലെ, അതിന്റെ മുൻനിര പതിപ്പായ ഷാർപ്പ് പ്രോ എംടിയുടെ പഴയ എക്സ്ഷോറൂം വില 22,11,800 രൂപയായിരുന്നു, അത് ഇപ്പോൾ 21,50,800 രൂപയായി കുറഞ്ഞു. അതായത്, ഇത് വാങ്ങാൻ നിങ്ങൾ 61,000 രൂപ കുറച്ച് ചെലവഴിക്കേണ്ടിവരും.
ശ്രദ്ധിക്കുക, മേല്പ്പറഞ്ഞ ഓഫറുകള് രാജ്യത്തെ വിവിധ പ്രദേശങ്ങളെയും ഡീലര്ഷിപ്പുകളെയും സ്റ്റോക്കിനെയുമൊക്കെ അനുസരിച്ച് വ്യത്യാസപ്പെടാം. കൂടുതല് വിവരങ്ങള്ക്കായി നിങ്ങളുടെ തൊട്ടടുത്ത ഡീലറെ സമീപിക്കുക.
