പിഎം-കിസാൻ സമ്മാൻ നിധി പദ്ധതിയുടെ 20-ാം ഗഡു ഓഗസ്റ്റ് 2 മുതൽ കർഷകരുടെ അക്കൗണ്ടുകളിലേക്ക് വിതരണം ചെയ്യപ്പെടുന്നു. വർഷത്തിൽ മൂന്ന് ഗഡുക്കളായി 6,000 രൂപയുടെ ധനസഹായമാണ് ഈ പദ്ധതിയിലൂടെ നൽകുന്നത്. എന്നാൽ ഗഡു ലഭിക്കാൻ ഇ-കെവൈസിയും ആധാർ-ബാങ്ക് അക്കൗണ്ട് ലിങ്കിംഗും നിർബന്ധമാണെന്ന് സർക്കാർ നേരത്തെ തന്നെ വ്യക്തമാക്കിയിരുന്നു. ആവശ്യമായ അപ്ഡേറ്റുകൾ പൂർത്തിയാക്കാത്തവർക്ക് പേയ്മെന്റ് തടസ്സപ്പെടാൻ സാധ്യതയുണ്ട്.
ഇപ്പോഴത്തെ ഗഡുവിൽ കർഷക ഐഡി ഇല്ലെങ്കിലും 2,000 രൂപയുടെ ആനുകൂല്യം ലഭിക്കും. എന്നാൽ തുടർന്നുള്ള ഗഡുകൾക്കായി കർഷക ഐഡിയും ഇ-കെവൈസിയും നിർബന്ധമായിരിക്കും. അതിനാൽ കർഷകർ ഉടൻ തന്നെ ആവശ്യമായ നടപടികൾ പൂർത്തിയാക്കണം.
