എൽപിജി പാചകവാതക വാണിജ്യ സിലിണ്ടറിന് (19 കിലോഗ്രാം) 15 രൂപ കുറച്ച് പൊതുമേഖല എണ്ണ കമ്പനികൾ. ഇതോടെ കൊച്ചിയിൽ വില 1754.50 രൂപയായി. ഈ വിലക്കുറവ് ഹോട്ടലുകൾക്ക് വലിയ ആശ്വാസമാണ്. കഴിഞ്ഞ മാസവും വാണിജ്യ സിലിണ്ടറിന് 43 രൂപ കുറച്ചിരുന്നു.
കഴിഞ്ഞ ആറു മാസത്തിനിടയിലെ ഏറ്റവും കുറഞ്ഞ നിരക്കാണിത്. ഗാർഹിക സിലിണ്ടർ (14.2 കിലോഗ്രാം) നിരക്കിൽ മാറ്റമില്ല. കൊച്ചിയിൽ വില 860 രൂപ. കഴിഞ്ഞ മാസം ഏഴിന് ഗാർഹിക സിലിണ്ടറിന് 50 രൂപ വർധിപ്പിച്ചിരുന്നു.
